Казанда үсмерләр төркеме ир-атка һәм аның улына һөҗүм иткән

Казанда үсмерләр төркеме ир-атка һәм аның улына һөҗүм итү турында Россия Тикшерү комитеты рәисе Бастрыкинга хәбәр итәчәкләр, дип яза «Татар-информ».

Кичә «Салават күпере» торак комплексында үсмерләр төркеменең Казан кешесенә һәм аның балигъ булмаган улына һөҗүм итүе турында социаль челтәрләрдә видео чыкты.

Россия Тикшерү комитетының Татарстан Республикасындагы тикшерү органнары әлеге факт буенча «Хулиганлык» маддәсе нигезендә тикшерү үткәрә.

Россия Тикшерү комитеты рәисе Бастрыкин Тикшерү комитетының Татарстан Республикасы буенча идарәсе җитәкчесе Липскийга тикшерү барышы һәм ачыкланган шартлар турында доклад тәкъдим итәргә кушты.

Ир-ат раслаганча, үсмерләр аның улына берничә тапкыр янаган, дип яза «Татар-информ». Ул моның сәбәбен ачыкларга һәм алар белән сөйләшергә тырышып карагач, үзен дә, улын да кыйнаганнар.