Приморьеда үткәрелгән жирәбә нәтиҗәсендә Эгершельдтагы намаз уку йортының ике активисты кыйммәтле бүләкләргә ия булды – хаҗга һәм гомрәгә юлламалар отты. Әлеге вакыйга мөселман җәмгыяте вәкилләре арасында зур кызыксыну уятты. Бу хакта Россия мөселманнары Диния нәзарәтенең матбугат хезмәте хәбәр итә.
Чарада бик күп кеше катнашты, алар бер-берсенә актив теләктәшлек күрсәттеләр һәм түземсезлек белән жирәбә нәтиҗәләрен көттеләр. Хаҗга һәм гомрәгә юлламалар - изге урыннарга бару өчен уникаль мөмкинлек кенә түгел, ә һәр мөселман өчен мөһим рухи тәҗрибә дә.
Исемнәре аталган бәхетлеләр оештыручыларга һәм жирәбә үткәрүдә ярдәм иткән һәркемгә рәхмәт белдерде. Алар әлеге сәфәр үзләре өчен тормышта мөһим вакыйга булачагын билгеләп үтте һәм бу мөһим сәяхәткә инде әзерләнә дә башлады.
Свежие комментарии