Киләсе атнада Россиядә вакытыннан алда кире алып булмый торган кертемнәр буенча иминият түләүләре лимитын 2,8 миллион сумга кадәр арттырачаклар. Закон 30 октябрьдә үз көченә керә. Бу хакта Дәүләт Думасының матбугат хезмәте хәбәр итә.
Бу өч елдан озаграк чорга вакытыннан алда кире алып булмый торган саклык сертификатлары белән таныкланган рубльле кертемнәргә кагылачак.
Дәүләт Думасы Рәисе Вячеслав Володин ассызыклаганча, әлеге карар акчаларны саклый һәм отышлы процент ставкасыннан яхшы керем тәэмин итә торган финанс инструментының ышанычлылыгын арттырачак.
«Балаларга белем бирергә, зур әйбер сатып алырга планлаштыручы яки мондый механизмны башка максатлар өчен акча җыю ысулы буларак кулланучы кешеләр өчен әлеге нормалар акчаларның саклануын гарантияләячәк», – дип билгеләде ул.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии