Лукашенко Путин белән очрашу өчен Мәскәүгә килде

Бүген Кремльдә Белоруссия президенты Александр Лукашенко белән Россия Президенты Владимир Путин арасында сөйләшүләр узачак. ТАСС хәбәр иткәнчә, Лукашенконың самолеты Внуково аэропортына төшеп утырган.

Сәфәр рәсми статуста булуны исәпкә алып, аэропортта каршы алу тантанасында мактаулы каравыл эшли. Шулай ук ике илнең гимнын башкару планлаштырылган.

Аэропортта Лукашенко өчен Россиянең «Аурус» автомобиле әзерләнгән. Машинага Белоруссия флагы эленгән.

Сөйләшүләрдән тыш, сәфәр рәсми статуста булу уңаеннан башка төрле чаралар да үткәреләчәк.