<p>Бүген барлык Татарстан хаҗилары Гарәфәт үзәнлегенә килде. Быел республикадан 1,8 мең кеше изге урыннарда хаҗ кыла.</p> <p>Бүген Гарәфә көне – Зөлһиҗҗә аеның 9 көне. Бу көнне Гарәфәт тавында басып тору хаҗ кылуның бер өлеше санала – хаҗилар бирегә хаҗны тәмамлау өчен җыела. Гарәфә көнендә гөнаһлар кичерелә, сораучының барлык догалары кабул була.
</p> <figure class="image"><img alt="" height="535" src="https://www.tatar-inform.ru/images/uploads/a5728d0c6befbcc244812996526a5a4a.JPG" width="662" /> <figcaption> <p>Фото: © Шамил Садыйков</p> </figcaption> </figure> <p>Хаҗилар кичкә кадәр чатырларда яшәячәк. Алар тулысынча су, ризык белән тәэмин ителгән, яннарында 20 табиб, шул исәптән йөрәк табибы һәм реаниматологлар бар.</p> <p>Төнне исә хаҗ кылучылар Мүздәлифә үзәнлегендә, ачык һавада уздырачак. Иртәгә, Корбан бәйрәмендә, алар Мина үзәнлегенә кайтачак һәм Җәмәратта таш ыргыту йоласын үтәячәк.</p> <figure class="image"><img alt="" height="1280" src="https://www.tatar-inform.ru/images/uploads/ddd3383369b259f0d86e45861742b7c9.jpg" width="960" /> <figcaption> <p>Фото: © Шамил Садыйков</p> </figcaption> </figure> <p> </p>
Свежие комментарии