Кыргызстанда Сабан туенда «Ләйсән» ансамбле чыгыш ясаган

<p>Кыргызстанның Җәләл-Абад шәһәрендә татар халкының милли бәйрәме Сабан туе узды. Аны Җәләл-Абад өлкәсе «Идел» татар-башкорт мәдәни үзәге иҗтимагый берләшмәсе Россия Федерациясенең Кыргызстандагы Илчелеге ярдәме белән ел саен уздыра. Бу хакта Бөтендөнья татар конгрессы хәбәр итә.</p> <p>Котлау сүзләре белән Кыргызстан Республикасы Президентының Җәләл-Абад өлкәсе буенча Тулы вәкаләтле вәкиле аппараты исеменнән <strong>Осмонов Жолжошбай Паязович </strong>чыгыш ясады, шулай ук котлаулар белән мэрия вәкилләре, Кыргызстан Халык ассамблеясе мәдәни үзәкләре рәисләре, Казан, Ош, Кара-Куль һ.

б. шәһәрләр кунаклары чыгыш ясады.</p> <p>Бәйрәм программасында татар, рус, кыргыз, үзбәк, төрек телләрендә җырлар яңгырады.</p> <p>«Ләйсән» ансамблендә катнашучылар татар, рус халык биюләре башкарды, гитарага кушылып җырлады. Үз талантларын күрсәтергә теләүчеләр күп булды.</p> <p>Шәһәр халкы һәм кунаклар уеннарда, конкурсларда актив катнашты, бүләкләр дә отты, биеде, җырлады.Бәйрәм төшке аш белән тәмамланды, диелә хәбәрдә.</p>