Татарстанда 146 мең гектар мәйданда техник культураларны урып-җыясы калган. ТР вице-премьеры – авыл хуҗалыгы һәм азык-төлек министры Марат Җәббаров ТР Хөкүмәте йортында узган республика киңәшмәсендә шулай дип белдерде.
Киңәшмәне барлык муниципалитетлар белән видеоконференция элемтәсе режимында Татарстан Рәисе Рөстәм Миңнеханов уздырды.
Анда шулай ук ТР Премьер-министры Алексей Песошин да катнашты, дип хәбәр итә республика җитәкчесенең матбугат хезмәте.Аерым алганда, 86 мең гектарда - көнбагыш, 46 мең гектарда - кукуруз, 6 мең гектарда - шикәр чөгендере һәм 7 мең гектар мәйданда соя җыясы калган.
Соңгы ике атнада 38 мең гектарда, ягъни барлык мәйданнарның 20 процентында техник культуралар җыеп алынган. Урып-җыю эшләренә яңгырлар комачаулый, диде докладчы.
Иң зур мәйданнар Мөслим (11 мең) һәм Азнакай (9 мең) районнарында кала. Моннан тыш, Актаныш, Сарман, Аксубай һәм Бөгелмә районнарында 7 мең гектарда урып-җыю эшләрен башкарасы бар, дип искәртте Җәббаров.
Шул ук вакытта, шикәр чөгендерен эшкәртү дәвам итә. Бүгенге көнгә 768 мең тонна чимал эшкәртелгән, 109 мең тонна шикәр җитештерелгән.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии