Кичә 18.45 сәгатьтә Яшел Үзәннең Столичная урамында юл-транспорт һәлакәте булган. 12нче модельле «Лада» автомобиленең 25 яшьлек йөртүчесе светофорның кызыл утына чыккан һәм җәяүлеләр кичүендә яшүсмерне бәрдергән.
Яшел Үзән хакимиятенең рәсми Telegram-каналында хәбәр итүләренчә, үсмер светофорның яшел уты янганда юл аркылы чыккан.
Авыр җәрәхәтләр алган җәяүлене Үзәк район хастаханәсенең реанимациясенә китергәннәр.Әлеге уңайдан җинаять эше кузгатылган, тикшерүне шәһәр прокуратурасы контрольгә алган.
Үсмерне бәрдергән машина йөртүче тоткарланган.
Свежие комментарии