<p>«Алтын минбәр» Казан халыкара кинофестивале Малайзиянең Джахар Бару шәһәрендә Татарстан фильмнарын күрсәтте. Афишага «Ибн Фадлан», «Мулла», «Хәлимә», «Остазбикә», «Мой народ – татары. Код успеха» документаль фильмы һәм «Әлдермештән Әлмәндәр» анимацион фильмы кергән.</p> <p>«Фильмнар фестиваль форматында өч көн дәвамында китапханәләрдә күрсәтелде.
Фильмнарны режиссерлар Айназ Мөхәммәтҗанова, Юлия Захарова һәм «Алтын минбәр» Казан халыкара кинофестиваленең башкарма директоры Миләүшә Айтуганова тәкъдим иткән.</p> <p>«Бу фильмнар Татарстанны гына түгел, Россияне дә тәкъдим итә. Программадагы ике фильм исламның Россиягә керүен һәм Россия җәмгыятендә мөселманнар тормышын күрсәтә», – дигән Малайзиядә Россия илчесе Наил Латыйпов.</p> <p><img alt="" height="658" src="https://tatar-inform.tatar/images/uploads/3ddf021dfa7c957412a7e717f340e47d.jpg" width="1170" /></p> <p>Джахар шәһәре алдыннан фильмнар Малайзия башкаласы Куала-Лумпурда һәм Шах-Алам шәһәрендә күрсәтелгән.</p> <p>Фестивальгә Тунку штаты принцессасы Тун Амина Маймунах Искандариах та килгән.</p> <p>Фестиваль кысаларында сәнгать, тарих һәм мода күргәзмәләре оештырылган.</p> <p><img alt="" height="1280" src="https://tatar-inform.tatar/images/uploads/2e25ad789e79d89a5b43300bc9715cb7.jpg" width="960" /></p>
Свежие комментарии