Татарстан спортчылары БРИКС Уеннарында 12 алтын медаль яулады

<p>БРИКС илләре Спорт уеннарының дүртенче көне нәтиҗәләре буенча Татарстан спортчылары 12 – алтын, 7 – көмеш һәм 5 бронза медаль яулады. Бу хакта ТР Спорт министрлыгы хәбәр итә.</p> <p>Якшәмбе татарстанлылар күп кенә дисциплиналарда уңышлы чыгыш ясады:</p> <p>Сергей Сирант ир-атлар арасында бадминтон буенча ялгыз разрядта 2:0 исәбенә отты;</p> <p>Евгения Косецкая хатын-кызлар арасында бадминтон буенча ялгыз разрядта – 2:1, Алинә Дәүләтова белән дуэтта парлы хатын-кызлар разрядында да 2:1 исәбенә җиңде;</p> <p>Никита Шлейхер ир-атлар арасында 3 метр биеклектән трамплиннан суга сикерүдә җиңү яулады;</p> <p>Павел Монич Сергей Сирант белән дуэтта бадминтон буенча парлы ир-атлар разрядында көмеш медаль алды;</p> <p>Артем Косов Россия җыелмасы составында ир-атлар сигезлегендә ишү спорты буенча ярышларда икенче булды;</p> <p>Юлия Сохацкая хатын-кызлар арасында җиде төр ярышта җиңел атлетикада пьедесталның икенче баскычына күтәрелде;</p> <p>Рамилә Вәлитова, хатын-кызлар арасында озынлыкка сикерүдә 6.

15 метр нәтиҗә күрсәтеп, җиңел атлетика буенча бронза медаль яулады.</p>