Томск шәһәрендә Татар мәдәнияте үзәгендә гыйнвар ахырына кадәр «Яңа елга ретро караш» күргәзмәсе эшли, анда СССР чорына багышланган экспозиция тәкъдим ителә. Бу хакта «ВКонтакте» социаль челтәрендә «Татар мәдәнияте үзәге» өлкә дәүләт автономияле мәдәният учреждениесе сәхифәсендә хәбәр ителә.
Күргәзмәдә төрле чорларның (60-80 еллар азагы) котлау открыткалары, өстәлгә куела торган мини чыршылар өчен чикләвек зурлыгындагы махсус уенчыклар тәкъдим ителә.
Татар мәдәнияте үзәге хезмәткәрләре пластинкалардан фотозона булдырган, анда фото ясарга мөмкин.«Яңа елга ретро караш» күргәзмәсенә килүчеләрне бик күп башка нәрсәләр көтә. Әгәр дә сез, безнең кебек үк, Совет Яңа елы атмосферасын бәялисез, ретро открыткалар карарга яратасыз икән, ә совет чыршы уенчыкларының күренеше сезнең игътибарыгызны җәлеп итә икән, сезгә һичшиксез бу күргәзмәгә барырга кирәк!» – диелгән хәбәрдә.
Керү түләүсез. Күргәзмә эш көннәрендә 10.00-18.00 сәгатьләрдә эшли.
Свежие комментарии