Рөстәм Миңнеханов этләрне теркәмәгән өчен штрафлар турындагы законны имзалады

Татарстан Рәисе Рөстәм Миңнеханов имзалаган закон нигезендә республика Административ хокук бозулар кодексы яңа маддә белән тулыланачак.

Аның буенча, йорт хайваннарын күп фатирлы йортларның гомуми файдаланудагы урыннарында һәм йорт яны территорияләрендә асраган өчен 2 000 сумнан 4 000 сумга кадәр штраф каралган.

Этне теркәмәгән өчен шундый ук штраф көтә, ә ел дәвамында законны кабат бозган өчен штраф күләме 5 000 сумга кадәр арта.

Яңа канун 2025 елның 1 июленнән үз көченә керә.