Казанда БРИКС саммитына машинасыз килгән дәүләт лидерларына хәрәкәт итү өчен «люкс» Аурус машинасын тәкъдим итәчәкләр. Бу хакта ТР вице-премьеры, республика сәнәгать һәм сәүдә министры Олег Коробченко әйтте. Аның сүзләрен «Российская газета» китерә.
Спикер VIP-кунакларга Аурусның барлык вариантлары: «Арсенал», «Сенат Лонг» (озынайтылган) һәм «Коммендант» тәкъдим ителәчәк, дип белдерде.
Исегезгә төшерик, 20-25 октябрьдә Казанда БРИКС саммитына багышланган «Сделано в Татарстане» күргәзмәсе уза. Аны ТР Дәүләт Советы бинасы каршында, шулай ук парламент эчендә күрергә мөмкин булачак. Экспозицияләр арасында КАМАЗлар, тракторлар, вертолетлар, пилотсыз очу аппаратлары, «Аврора» һәм «зәңгәр ягулык»та эшләүче экологик автобус бар.
Свежие комментарии