Воронеж өлкәсе губернаторы каршындагы Милли палата мәйданчыгында Воронеж өлкәсе мөселманнары Диния нәзарәте инициативасы белән хәрби махсус операциядә катнашучы «Төньяк» штурм группасы хәрбиләренә Toyota пикап автомобилен тантаналы тапшыру булды. Автомобиль ачкычын Воронеж өлкәсе мөселманнары Диния нәзарәте (Воронеж мөхтәсибәте) җитәкчесе имам-мөхтәсиб Рәшид Алимурадов тапшырды. Ул безнең хәрбиләрнең сәламәтлеге өчен дога кылды. Бу хакта Россия мөселманнары Диния нәзарәте матбугат хезмәте хәбәр итә.
«Безнең «Төньяк» штурм группасының хәрбиләре үз бурычларын үтәү өчен «җитез» маневрлы машина сорады. Һәм без алар өчен автомобиль сатып алдык. Транспорт чарасын сатып алуны финанслауда «Дивизион» шәхси сак оешмасы (директоры Мамед Мамедов), «Дон» шәхси сак оешмасы, «Гефест-Строй»төзелеш компаниясе катнашты.
Акча җыюда шулай ук төрле милләт вәкилләре, шул исәптән татарлар, азәрбайҗаннар, үзбәкләр, месхет төрекләре, руслар катнашты. Безнең Россия - күп конфессияле һәм күп милләтле, һәм аның көче һәм байлыгы шунда», - диде Рәшит Алимурадов.
Бүләк ителгән автомобильгә хәрбиләр өчен гуманитар ярдәм төягәннәр. 13 мартта Рәшит Алимурадов һәм эшмәкәр-меценатлар Курск өлкәсенә барып, машинаны «Төньяк» группасы хәрбиләренә тапшырды.
Свежие комментарии