25-27 сентябрьдә Актанышның «Батыр» спорткомплексында яшүсмерләр арасында Татарстан Республикасының беренче Президенты, Татарстан Республикасы Дәүләт Киңәшчесе Минтимер Шәймиев Кубогына милли көрәш буенча төбәкара турнир уза, бәйге быел 26нчы тапкыр үткәрелә. Бу хакта Актаныш районы башлыгы Ленар Зарипов үзенең социаль челтәрләрендә хәбәр итә.
«Актанышта, мөхтәрәм якташыбыз, Татарстан Республикасының беренче Президенты Минтимер Шәрип улы Шәймиев Кубогына милли көрәш буенча регионара турнир гөрли. Быел катнашучыларның саны аеруча зур — 447 яшь көрәшче бил алышачак. Аларга уңышлар телим!», – диелә хәбәрдә.
Ярышларда 32 хөкемдар эшли. Көрәшчеләр 11 авырлык категориядә көч сынаша: 36, 40, 43, 46, 50, 55, 60, 65, 70, 80 кг га кадәр һәм 80 кгдан югарырак.
Җиңүчеләр исемлеге иртәгә, 27 сентябрьдә билгеле булачак.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии