Татарстанда салым инспекциясенә ришвәт биргән фирма башлыгына карата җинаять эше ачтылар

Татарстанда ришвәт биргән сәүдә фирмасы җитәкчесенә карата җинаять эше ачтылар.

2023 елның декабрендә һәм узган елның февралендә «АБС ГРУПП» компаниясе җитәкчесе, салым тикшерүен булдырмас өчен, арадашчы аша салым хезмәте хезмәткәрләренә гомуми суммасы 5,4 миллион сумнан артык булган ришвәт биргән.

Казанның Киров районы прокуратурасы фирмага карата административ эш ачты.

Оешмага 10 миллион сум күләмендә штраф билгеләделәр.

Ришвәт бирүчегә карата җинаять эше карау өчен судка юлланган.